Kariyesni davolash tish sog‘lig‘ini saqlash va kelajakda jiddiy tish muammolarining oldini olishda muhim bosqich hisoblanadi. Kariyes davolanganidan keyin tishlarni uzoq muddatga saqlab qolish uchun stomatolog tavsiyalariga rioya qilish ham juda muhim.
- Og‘iz bo‘shlig‘i gigiyenasi qoidalariga rioya qilish
Har bir ovqatlanishdan keyin yumshoq tish cho’tkasi va tish pastasi yordamida tishlarni tozalash tavsiya etiladi. Qiyin yetib boriladigan joylardan yegulik qoldiqlarini va qoplamani olib tashlash uchun tish ipidan foydalaning. - Shirin va kislotali mahsulotlarni iste’mol qilishni kamaytiring
Ushbu mahsulotlar kariyes hosil bo‘lishiga olib kelishi mumkin. Ularni ko‘p iste’mol qilganingizdan keyin og‘iz bo‘shlig‘ini suv bilan chayqash tavsiya etiladi. - Tish emalini mustahkamlash
Kalsiy va fosforga boy mahsulotlarni iste’mol qilishga harakat qiling, masalan, sut mahsulotlari, yong‘oqlar, baliq va ko‘katlar. Bu mahsulotlar tish emalini mustahkamlashga va kariyes rivojlanishining oldini olishga yordam beradi. - Profilaktik ko‘riklardan o‘tish
Tishlarni tozalash va ko‘rik uchun stomatologga muntazam ravishda tashrif buyurishga harakat qiling. Professional gigiyena kariyes rivojlanishiga olib keluvchi tish toshi va qoplamani olib tashlashga yordam beradi. - Stomatologik vositalardan to‘g‘ri foydalanish
Maxsus tish pastalari va og‘iz chayqovlarini stomatolog tavsiyalariga binoan qo‘llash yaxshiroqdir. Ba’zi tish pastalarida ftorid mavjud bo‘lib, u tish emalini mustahkamlash va kariyes rivojlanishining oldini olishga yordam beradi.